Þá er röðin víst komin að mér 
Hvað ert þú
búinn að vera að bralla í vetur?
Ég var einn af þessum sem að ákvað að taka mér smá pásu
frá námi. Í September á síðasta ári hóf ég vinnu hjá Símanum. Ég
vann í tæknilegri aðstoð í þjónustuverinu hjá þeim. Það var nú svo
sannarlega ný upplifun, þar sem ég er nú ekki alveg sá besti þegar
kemur að tæknilegu hliðinni á tölvum og öðru slíku. En ég lærði
nýja hluti, og þetta var hin ágætasta skemmtun 
Þarna vann ég þar
til í byrjun maí á þessu ári.
Er eitthvað
spennandi á döfinni í sumar?
Sumarið reyndar búið og svona, en ég rifja þá upp þetta frábæra
sumar sem var að líða.
Þessi fyrsti vetur minn án
skólabóka þaut svo sannarlega hjá á augnabliki.
Með vorinu kom þessi fluga uppí hausinn á mér,
að hvað væri betra en að enda þetta ársfrí með að vinna
einhverstaðar úti í heimi yfir sumarið? Ég sótti um nordjobb,
en fljótlega kom Siggi vinur með hugmynd um að fara til
Sitges að vinna. Við gerðum okkur lítið fyrir og forum í
helgarferð til Barcelona í apríl. Við skoðuðum aðstæður, og
tveim vikum seinna vorum við komnir aftur hingað með one way
ticket, ferðatöskurnar og von um að finna einhverstaðar
vinnu. Ég fékk fljótlega vinnu á veitingastaðnum Monroes
í Sitges. Með enga reynslu af þjóninum, bara áhuga minn um að
læra og upplifa eitthvað nýtt.
Sól,
strönd, kokkteiladrykkja og skemmtun í 3 heila mánuði.
Hljómar alls ekki illa Eitt af mínum skemmtilegustu
upplifunum á ævinni! Sé alls ekki eftir þessu. Gaf mér einnig
smá fjarlægð frá klakanum, en ég held að allir hafi gott
af því að prófa eitthvað svona
einhverntímann á ævinni. Svo kom fjölskyldan líka í 10 daga
heimsókn, sem var náttúrulega ólýsanlega gaman
Hvað á að gera í
haust?
Núna
í haust hóf ég nám við Lagadeild Háskóla Íslands. Ég verð nú að
segja að þetta kom mér bara skemmtilega á óvart, reyndist vera hið
skemmtilegasta fag og ég er bara þokkalega sáttur með að hafa
ákveðið að demba mér í þetta.
Hvar heldurðu að þú verðir staddur eftir 10
ár?
Hmm... góð spurning. Ég vona að ég verði þá
væntanlega búinn með masterinn í lögfræði, kominn með góða
vinnu, lítið einbýlishús og rauða poloinn minn og
einhvern frábæran strák upp á arminn? Og kannski búnir að
ættleiða eitt eða tvö börn.. hehe.. hver veit
Eitthvað skemmtilegt sem þú vilt koma á
framfæri?
Biðst afsökunar á því hvað ég var lengi að koma með
þessa færslu! Og vona líka bara að allir hafa það sem
allra best, og mér finnst ekkert smá gaman að lesa um hvað
þið eruð öll að gera þessa dagana á blogginu!
Kveðja,
Jensi Fjalar